معلمون بلا حدود
center][/center]
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
[b]ادارة المنتدي [/b



 
الرئيسيةالتسجيلدخول
هيا نبنى مصر بعد ثورة 25 يناير المجيدة
عاجل : بمشيئة الله تعقد الجمعية العمومية لنقابة المعلمين بطنطا بلجانها الستة يوم الخميس الموافق 28/2/2013 ا بمقر نقابة المعلمين بشارع نادى المعلمين بطنطا فى تمام الثانية عشر ظهرا والدعوة عامة لكل المعلمين من أبناء النقابة
المواضيع الأخيرة

شاطر | 
 

 حكم وأمثال لبنانية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبد الناصر الØ
Admin
avatar

عدد المساهمات : 49
تاريخ التسجيل : 16/05/2009

مُساهمةموضوع: حكم وأمثال لبنانية   الثلاثاء مايو 19, 2009 10:31 pm

1. إللي بيكبّر فشختو بيوقع 
2. إللي بيعوز الكلب بيقول له صبحَك بالخير يا سيدي
3. اركب الديك وشوف لوين بيوَدِّيك
4. اكتر من قرد ما مسخو الله
5. تزوّجنا وجبنا غريبة، زِوان بلادك ولا القمح الصليبي
6. التكرار بيعلّم الحمار
7. ثلاثة ما بيتخبّوا: الحُب والحَمل وركوب الجمل
8. الجرس بيدعي الناس للكنيسة وبيبقى برّا. 
9. جهل الختيار ما لو دبّار
10. حاكمك وظالمك ولمين بتشكي أمرك؟
11. حَبّة حَبّة أكل العنب. تِنتان تِنتان حشمة وأدب
12. تلاتة تلاتة تبِقّ العنب، أربعة أربعة أكل الدبب. 
13. حسبنا الباشا باشا، تاري الباشا زلمه
14. حِط إيدك بوكر الدبابير وقول هيدا من التقادير! 
15. حظّو من السما اللي بتحبّو الحما 
16. حظّو من السما اللي ما عندو حما
17. حمار حَمَّلوه كُتب، خمَّن حالو صار يعرف يِقرا
18. الداخل بالسياسة متل الداخل بتنكة الكناسة
19. راح جحا ت يصلّي، شاف باب الجامع مسكّر
20. قال: مليح اللي طلعت منَّك وما إجت منّي
21. الرجّال ولو كان فحمة، وجوده بالبيت رحمة
22. الروم ما بيكسِّر راسو القدّوم
23. شمس شباط لكنتي، وشمس آذار لبْنَيْتي، وشمس نيسان لشيبتي
24. شو أحلى من العسل؟ الخل ببلاش
25. شو بتعمل الماشطة مع الوِج العكش (او مع النّيع الألوق)؟
26. صهر بيشدّ الظهر، وصهر بيجيب المجرفة ع القبر
27. ظلم الحكام، وكيد النسوان، وعناد الرهبان
28. ظلّيت صلّي حتى حصل لي، ولما حصل لي بطّلت صلّي
29. عادة في البدن، ما بيغيِّرها غير الكَفَن
30. عرَج الجمل من شفتو
31. العريس اخذ العروس، والمعازيم رجعوا متل التيوس
32. عزيمة الحمار للعرس، يا للحطب يا لزقّ المَي
33. عقلاتو بنصّ كِم

34. عند تغيير الدول احفظ راسك
35. اللي بتطَيلعهن السمرا ما بيكفّوها خطوط وحُمرا
36. اللي بدّو يناطح ما بيخبّي قرون
37. اللي بيحلف كتير بيكذب كتير. 
38. المال بيجرّ المال والقمل بيجرّ السيبان
39. متل الابرة بتكسي الناس وهيي عريانة 
40. متل اللي بيوَكِّل القط بالجبنةr 
41. المديون حمار الدائن
42. المعتَّر لو سِعِد بيموت
43. وِجّو بيقطع الرزق 
44. وِجّو متل ورقة النعوة
45. وِحشة وعِكشة، وواقفة بالوِج 
46. وقفة المعلّم ع إيد المعلّم صعبة 
47. الولد ولد، ولو حكم بلد 
48. يلّي باعك ببصلة، بيعو بقشرتها!
49. يلّي بيعملك حمار، البُطه!
50. إن بزقنا لفوق ع شواربنا وإن بزقنا لتحت ع ذقنّا
51. إن ضبطت المَي بالغربال بتأمِّن المرا للرجّال
52. الإيد اللي ما فيك تعضها، بوسها وادعي عليها بالكسر
53. ابن الداية ما عليه مخبّاية
54. اذا بدّك تخرب بلاد، ادْعي عليها بكتر الرؤسا
55. اذا قلتلَّك تقبرني بتجيب المجرفة وبتطمني؟
56. بدّو من الذواق سبعة واق
57. البرطيل بيحلّ دكّة القاضي
58. بزقوا ع وِجّ النذل قال الدني عم بتشتّي
59. بيلهي الحمار عن عليقه
60. بينشرب مع المَي العكرة
61. تخانق البحر والريح طلعت الفلّة ع المركب
62. تْدَيَّن ودَيِّن، بتغرق ما بتبيِّن
63. تفركش برماد سيكارة
64. تلاتة ما بينطاقوا: الطق والنق والبق
65. تمسّك بنحسك لا يجيك انحس منو
66. تيتي تيتي، متل ما رحتِ متل ما جيتِ
67. جابوا الديب تيعلموه القراية قالوا له: قول ألف، قال: عنزة
68. جازة نصرانية: لا فراق الا بالخنَّاق
69. حاسبني مشمشة كل ساعة بتهزّ فيّ؟
70. حايص متل دجاجة بدها تبيض
71. حَطّوا ذنبة الكلب بالقالب اربعين سنة بقيت لَوقة
72. سِدّو من فوق بيحكي من تحت
73. شو بدي اترجى منك يا سفرجلة وكل عضة بغصّة؟
74. شو محسَّب الناس بطيخ؟
75. صاحبي وعيوني وصَوب الجيبة لا تقرِّب
76. طرشا ع الباب بتتنصَّت
77. طنجرة ولقيت غطاها
78. الفزع بيطيِّر الوجع
79. قاضي الاولاد شنق حالو
80. قال لو: حبني وخدلك جحش، قال لو: المحبة ما بتصير دحش
81. قالوا للبغل مين بيَّك؟ قال: الحصان خالي
82. كاسر إيدو وشاحد عليها
83. كل ما احتاجنا طنّوس منقلّو طنّوس حاف
84. وكل ما احتجنا طنّوس منقلّو تفضّل يا معلّم
85. الكلب بيقول: يا الله يعيشوا وليداتهم تآكل من ديَّاتهم، والبسين بيقول: الله يقطع وليداتهم تاقعد بحضَيناتهم
86. اللي بيبوِّل قدامك وما بتْبوِّل قدامو بيفْتكرَك مرا
87. اللي ما فيه لمرتو بيرجع لحماته
88. مات كلب المير، كل الناس عزّت فيه
89. مات المير ما حدا اهتم فيه
90. متل الزهر، بيغيب سنة وبيحضر شهر
91. متل العتّالة، ما بيعرف الله الا تحت الحِمل
92. مش عارف من العشق إلا كلمة وحشتونا
93. هدية المقرف بصل
94. يا رب ما تجعلني عبرة لغيري
95. يلّي خاف من العروس ما جاب ولاد
96. يوم عرسه وجعه ضرسه
97. "مين عنترك يا عنتر؟" "ما لقيت حدّا ردّني"
98. أكل الهوا لِلْواطي دوا
99. الأكل ما إلك، بطنك ما إلك؟
100. إلعب وحدك ولا تغتاظ
101. ألف دعوة ما مزّقت قميص، وألف زلغوطة ما جوّزت عريس
102. ألف كلمة جبان ولا كلمة الله يرحمه
103. إن كان الكنافة بيدْخلاّ توم، الموراني بيحب الروم
104. ابن الحكومة اذا صادقته أكلك، واذا عاديته هلكك
105. [بنفس المعنى:] كلب الحاكم بيعضّ
106. اذا ما بكي الطفل إمو ما بترضعو
107. اشتغلت بالكفان بطّل حدا يموت
108. الاعور بين العميان ملك/مفتَّح
109. بدّك تبهدل رجّال، فلِّت عليه مرا
110. بدّك تبهدل مرا، فلِّت عليها ولد / مرا
111. البدوي اذا غسّلتو بيموت
112. بطنو بيساع دست مخلوطة، وما بيساع كلمة
113. بعد هالكَبرة، جبّة حمرا؟
114. بنطلون المرا بيفسِّر بس بيستِّر
115. بياكل البيضة وقشرتها وبيقول ما شِفت شي
116. بياكل وبينام متل تنابل مصر
117. توبة العاصي بعد شهر، وتوبة المقامر بعد دهر
118. ثلاثة ما بينعاروا: السلاح والدابة والمرا
119. جحش الضيعة بذاتو / أفهم مني بعقلاتو.. وأجحش من جحش الضيعة / يلّي بيديِّن مصرياتو
120. الجمل لو بيشوف حردبتو بيوقع وبيفكّ رقبتو
121. جِن تِسعَد
122. جَوزِك على ما عوَّدتيه، وولدِك على ما ربَّيتيه
123. الحُب بيطلع من الشباك إذا دخل الفقر من الباب
124. حِيَل النسوان بتنزِّل المحادل عن السطوح
125. الدِّيك بيموت وعينو بالمزبلة
126. الرجّال حمار مرتو
127. شابت لحاهم والعقل إسّا ما جاهُم
128. الفقير بيشوف البيضة بقرة
129. شرب بالجوع متل الضربة ع الكوع
الرجوع الى أعلى الصفحة اذهب الى الأسفل
http://almodars.alafdal.net
 
حكم وأمثال لبنانية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
معلمون بلا حدود :: تعلم من الحكماء ( 1000حكمة وحكمة )-
انتقل الى: